Woodside Wullie
|
Shake, Shoogle and CrawlAh got the Shoogly Bridge blues
Walkin’ ower tae Pacific Quay.
Ah got the Shoogly Bridge blues
Walkin’ ower tae Pacific Quay.
Ma shanks turned tae jelly,
Ah wis crawlin’ oan ma knees.
Ah’ll get a hud o’ Tommy Telford
He’ll surely mak the brig a’ well
Ah’ll get a hud o’ Tommy Telford
He’ll surely mak the brig a’ well
He said “Son gie iz peace;
Get Izzy Kingdom Brunel”.
Izzy asked some sodgers
Tae prop it up wi’ some spars
Izzy asked some sodgers
Tae prop it up wi’ some spars
Bit a wee arse ca’d Montgomery bawled
“I think it’s a bridge too far.”
(Hey Montgomery! Ye should have thocht o’ that aforehand. Ye bawheid ye.)
Ahve got the Shoogly Bridge blues
Walkin’ ower tae Pacific Quay.
Ahve got the Shoogly Bridge blues
Walkin’ ower tae Pacific Quay.
Och! Ahm goin’ back tae Govan
Big Ella’s pittin’ oan ma tea.
|
